Үкіметтің қаулысымен 10 тамыз мемлекеттік мерекелер күнтізбесіне енгізіліп, «Абай күні» деп аталған болатын. Биыл Абай Құнанбайұлының туғанына тура 175 жыл толып отыр.
Абай – өз шығармаларымен қазақ халқының ақыл-ойға толы рухани байлыққа толы мәдени мұраны дүниеге әкелген дана ақын ретінде әлемдік өркениеттен ойып орын алған ренессанстық тұлға. Ұлы Абай сол биікке өзімен қоса туған ұлтын да көтеріп кетті. Биыл Президент ұлы ақынның 175 жылдық мерейтойына орай, Абай жылын жариялап, елімізде көптеген іс-шаралар өткізу көзделіп, қолға алына бастаған болатын. Алайда, бүкіл әлемді сарсаңға салған пандемия індеті мерейтойды мемлекеттік дәрежеде тойлауға мүмкіндік бермеуде. Соған қарамастан елімізде онлайн режімде Абай туындылары оқылып, жатталып, талданып, зерттеліп, насихатталып жатыр. Тіпті, халықаралық видеоконференциялар да жүргізілуде.
Соған орай Qazweek.kz ақпарат агенттігі қазақтың бас ақыны, дана Абайдың, қара сөздерін назарларыңызға ұсынуды жөн көріп отыр:
