Президент Қасым-Жомарт Тоқаев қазақстандық жүргізушілерге жүргізуші куәлігін және техникалық төлқұжатын өзімен бірге алып жүрмеуге рұқсат беретін заңға қол қойды, — деп хабарлайды Qazweek.kz ақпарат агенттігі Ақордаға сілтеме жасап.
«Мемлекет басшысы «Қазақстан Республикасының кейбір заңнамалық актілеріне жол жүрісі мәселелері бойынша өзгерістер мен толықтыру енгізу туралы» Қазақстан Республикасының Заңына қол қойды», — делінген хабарламада.
Түзетулер жүргізушінің үйде лицензиясын немесе тіркеу куәлігін ұмытып қалғаны үшін жазаны алып тастайды.
Тиісінше, қазақстандық жүргізушілерге өзімен бірге лицензия мен тіркеу куәлігін алып жүрмеу мүмкіндігі туады. Полиция адамның құжаттарының бар-жоғын азаматтардың жеке куәліктерінің электрондық базасы арқылы тексереді.
Бұл өзгеріс шетелдіктерге қолданылмайды, олар жүргізуші куәліктерін және тіркеу куәліктерін өздерімен бірге алып жүруге міндетті болады.
Заң алғашқы ресми жарияланған күнінен кейін күнтізбелік 10 күн өткен соң қолданысқа енгізіледі. Қазіргі уақытта заң әлі ресми түрде жарияланған жоқ.
