Бүгін таңертеңнен мессенджерлер мен әлеуметтік желіде жұрт «Каспий голд» қосымшасындағы ақша минусқа кетіп, шеше алмай жатқандарын жарыса жатып жатыр деп хабарлайды Qazweek.kz ақпарат агенттігі Dalainform порталына сілтеме жасап.
«Шотымдағы ақша қайда кеткені белгісіз. Жүз мыңдап, миллион теңгден шешіп алған. Таңертеңнен банкке барсам, адам толы, ұзын-сонар кезек. Жағдай түсініксіз боп тұр», – дейді Қарағанды қаласының Жангелді есімді тұрғыны.
Банктің өзі де картамен төлем жасау, банкомат арқылы оған ақша салу немесе алу, kaspi.kz сайтындағы операциялар жүргізу мүмкін болмай тұрғанын мойындауда.
«Барлық қызмет жақын арада қолжетімді болады. Карталар мен депозиттердегі деректер дұрыс көрсетілмеген. Жұмысты мүмкіндігінше тез қалпына келтіруге шаралар қабылдануда», делінген банк ақпаратында.
Қазір банк қосымшасына жүктеме шамадан тыс артып кетсе керек, тіпті кіру мүмкін болмай тұр.
Желіде тараудағы дақпыртқа жүгінсек, 2020 жылғы 28 қазанда таңғы 6:53-те банк серверлеріне хакерлік шабуыл жасалып, есепшоттардан белгілі бір сома, кейбір мағлұмат бойынша 78 937 374 теңге ұрланған.
