Шымкент қаласының Абай ауданы аумағындағы «Ынтымақ-2» шағынауданының Батыс бөлігінде ауыз су жүйесінің құрылыс жұмыстары жүргізілуде. Құрылысқа жауапты – «Мелиоратор» ЖШС мекемесі. Құрылыс жұмыстарын 2021 жылдың желтоқсан айында аяқтау жоспарланған.
Абай ауданының әкімі Бұқарбай Парманов шағынауданның Батыс бөлігінің тұрғындарымен инфрақұрылым мәселесі бойынша кездесіп, тұрғындардың талап-тілектерін тыңдады. Бұқарбай Рысқұлұлы кездесу барысында мердігер мекемеге құрылыс жұмыстарын сапалы әрі уақытылы орындауды тапсырды.
Сондай-ақ, шағынауданды мемлекеттік электр жүйесімен қамтамасыз ету мақсатында «Су Жоба құрылыс» ЖШС құны 890,3 млн тг құрайтын жобалық-сметалық құжаттама әзірледі. Құрылыс жұмыстары келесі жылы басталады.
Ф. Жандар
