Шымкент қаласының аудан аумақтарындағы сауда нысандарда карантин талаптарының сақталуы ұдайы назарда. Аудандық мобильді топтар бұл бағытта тиісті жұмыстарды атқаруда.
Абай ауданы әкімдігі тарапынан құрылған мобильдік топ аудан аумағындағы кәсіпкерлік нысандарға карантиндік талаптардың сақталуына кезекті мониторинг жұмыстарын ұйымдастырды. Абай ауданы әкімінің орынбасары Е. Заңқоев сауда нысан иелеріне ақпараттық-түсіндірме жұмыстарын жүргізді.
Сауда нысандарына келген азаматтарда бетперденің, кіреберістерде дезинфекциялық өткелдің, антисептиктердің және дене қызуын өлшейтін аппараттардың болуы, тағы басқа карантин талаптарын қатаң сақтау керектігі ескертілді.
Ф. Жандар
