Қызылорда облысында «Ауыл – Ел бесігі» бағдарламасы қарқынды жүзеге асуда. Атап айтсақ, 2020 жылы бағдарлама аясында Қызылорда қаласының Ақсуат ауылдық округінің көшелеріне және Арал, Қазалы, Сырдария, Шиелі және Жаңақорған аудандарының елді мекендер көшелеріне орташа жөндеу жұмыстарына қаржы бөлініп, жалпы ұзындығы 71,05 шақырым 66 көшеге орташа жөндеу жұмыстары жүргізілуде.
Оның ішінде, Арал ауданы бойынша 18 көше – 10,5 км, Қазалы ауданындағы 7 көше – 14,53 км, Сырдария ауданында 9 көше – 13,6 км, Шиелі ауданындағы 1 көше – 2,2 км, Жаңақорған ауданы бойынша 10 көше – 16,5 км, Қызылорда қаласының 21 көшесі – 14,67 км жөнделуде.
