Қызылорда қаласында спорт мектептеріне балалар ақысыз қабылданады. Бұл туралы облыстық спорт және денешынықтыру басқармасының баспасөз хатшысы Лаура Шоңғалова мәлімдеді.
Мәселен, Қызылорда облыстық олимпиадалық резервтің мамандандырылған балалар-жасөспірімдер спорт мектептеріне спорттық секцияларға қабылдау жыл бойына жүргізіледі. Қызылорда қаласындағы 6 спорт мектебіне де балаларды қабылдау жөнінде ақпараттар ретімен жарияланып отыратын көрінеді.
Айта кетейік, Сыр өңіріндегі спорт мектептеріне спорттың таеквондо, белбеу күресі, қазақ күресі, самбо, кикбоксинг түрлерінен балалар мен жасөспірімдерді ақысызқабылдау жүргізілуде.
