Елімізде COVID-19 індетімен күресу бағытында бірқатар шаралар қабылданып, оның ішінде эпидемиологиялық ахуалдың күрделенуіне сәйкес, жоспарлы емдеу жұмыстары уақытша тоқтатылған болатын.
Қызылорда облысында ахуалдың тұрақталуына байланысты 3 тамыздан бастап емдеу ұйымдарындағы жоспарлы жұмыстар өз жұмысын бастады.
Сонымен қатар бастапқы медициналық-санитариялық көмек көрсету ұйымдары, яғни емханалар 3 тамыздан бастап жоспарлы жұмыстарын бастады.
Яғни бастапқы медициналық-санитариялық көмек көрсету деңгейінде уақытша тоқтатылған:
– скринингтік тексерулер (скринингтік тексерулердің барлық түрі);
– профилактикалық тексерулер науқастардың профилактикалық мақсатта емханаға келуі (жұмысқа және оқуға баратындардан басқалары);
– жоспарлы стоматологиялық қызмет (жоспарлы стоматологиялық қызметтердің барлық түрі);
– оқушылардың денсаулығын қорғау қызметтері (мектеп медицинасы), медициналық оңалту ІІІ сатысы (амбулаторлы жағдайда көрсетілетін реабилитация);
– салауатты өмір салтын ұстану бойынша шаралар (СӨСҚ кабинеттерінің жұмысы;
– денсаулық мектептерінің жұмысы және психологиялық көмек көрсету қызметтері өз жұмыстарын жалғастыратын болады.
«Атқарылып жатқан жұмыстардың барлық көрсеткіштері бойынша оң шешімдер, жақсы жағдайлар жеткілікті. Дегенмен бұл жағдайлар бізді босаңсытпау керек. Әлі де болса сақтық шараларын қатаң сақтау қажет», – дейді қызылордалық мамандар.
