Қызылорда қаласында жылу беру маусымына дайындық жұмыстары жоспарлы
түрде бекітілген кестеге сәйкес жүргізіліп жатыр. Бұл туралы «Қызылорда жылу электр
орталығы» мекемесі директорының міндетін атқарушы Наурыз Сатханов мәлімдеді.
Айта кетейік, Қызылорда қаласындағы жылу желілерінің жалпы ұзындығы 186,8
шақырымды құрайды. Оның 35,7 шақырымы магистральды жылу желілері болса, 151,1
шақырымы кварталаралық желілер.
Биыл қала бойынша кварталаралық жылу құбырларының 12 шақырымы
жаңалануда. Жалпы соңғы 7 жылда жылу жүйесін жаңғыртуға 10 млрд. теңгеден астам
қаржы бөлініп, қаладағы 72 пайыз магистралды жылу желілері ауыстырылған.
