Қызылорда облысының Сырдария ауданындағы басты мәдениет ошағы саналатын
аудандық мәдениет үйі биыл аудандық бюджеттің есебінен ағымдағы жөндеуден өткізіліп
жатыр.
Биылғы жылы «Жұмыспен қамтудың жол картасы» бағдарламасы аясында
облыстық бюджеттен Тереңөзек кенті клубы мен А.Тоқмағамбетов ауылындағы мәдениет
үйі күрделі жөндеуден өткізілуде. Ал, жергілікті бюджет есебінен аудандық мәдениет үйі
және Қалжан ахун ауылдық мәдениет үйі ағымдағы жөндеуден өтуде.
Аудандық мәдениет үйі 1973 жылы салынған. Бұған дейін 2013 жылы күрделі
жөндеуден өткізілді. Ал, биыл аудандық бюджеттен 12 млн 320 мың теңге бөлініп,
мердігер компания «Ремстрой» ЖШС ағымдағы жөндеу жұмыстарын жүргізуде. Мердігер
мекеме директоры А.Бейісов ағымдағы жөндеуді бекітілген мерзімде бітіруге жұмыстар
жасалып жатқандығын айтады. Қазіргі таңда мәдениет үйінің шатыры жаңартылып,
ғимарат іші жөнделуде.
