Аймақ басшысының тапсырмасына сәйкес «Шалқия Цинк ЛТД» ЖШС кәсіпорнының демеушілігімен Жаңақорған ауданаралық ауруханасындағы, жұқпалы аурулар бөліміндегі провизорлық стационарға құны 37,4 млн теңге тұратын VG70 маркалы 2 өкпені жасанды желдету (ИВЛ) аппараты жеткізілді.
Медициналық аппарат электр қуаты сөнген жағдайда 30 минутқа дейін аккумулятор арқылы жұмыс жасайды және 7 түрлі режимде жұмыс жасау ерекшелігі бар.
Сондай ақ, «Шалкия Цинк ЛТД» ЖШС кәсіпорны тарапынан арнайы сақтық қорғаныш киімдері, пульсоксиметр (пульспен қанға келіп тұрған кислород мөлшерін анықтайтын аппарат) және дәрілік заттар берілді.
Кәсіпорын жуық арада демеушілік көрсету мақсатында аурухана тарапынан берілген тізім бойынша өте қажетті дәрілік заттарды әкеліп беру келісілгендігін хабарлады.
