Қызылорда шенеуніктерінің қызметтік көліктері жедел жәрдемге берілді. Оның
жанар-жағармайын да қала әкімшілігі өз мойнына алған. Осылайша 30-ға жуық қызметтік
көлік тәулік бойы тұрғындардың шақыртуларына дәрігерлерді жеткізуде.⠀
Аймақтың ауданындағы шенеуніктер де жақын күндері өз көліктерін денсаулық
сақтау мекемелерінің мұқтаждығына беруге дайын екендіктерін айтып отыр. Десе де,
аймақта әлі де маман тапшы.⠀
«Облыста реаниматолог және аудандарда инфекционист мамандардың
тапшылығы бар. Мәселені шешу үшін егер кеңес керек болатын болса, Нұр-Сұлтан
қаласындағы және Алматы қаласындағы әріптестеріміз кеңесін уақытылы беріп отыр.
Егер аса қажетті мамандар болып жатса осы аудандарға қаладағы мамандарды жіберу
мәселесін шешіп отырмыз», – деді облыстық Денсаулық сақтау басқармасы басшысының
орынбасары Олжас Ысқақов.
