Қызылорда облысында бүгінгі күнге жер қойнауын және жер асты суларын
пайдалануға рұқсаты бар 112 салық төлеушіге камералдық бақылау шаралары жүргізілді.
Қызылорда облысы бойынша мемлекеттік кірістер департаментінің Камералды
мониторинг басқармасының мәліметінше, бақылау шарасының нәтижесінде жыл басынан
бері 11 салық төлеушіден бюджетке 10,3 млн теңге қосымша салық өндірілген.
«Ағымдағы жылы осы қызмет түрін заңсыз жүзеге асырған облыс көлемінде 4
салық төлеуші (2 заңды тұлға, 2 дара кәсіпкер) анықталды. Оларға ҚР ӘҚБтК-нің 139-
бабы, 1-тармағымен жалпы сомасы 416,7 мың теңге көлемінде айыппұл салынды», – деп
хабарлады аталған департаменттегі мамандар.
