«Жұмыспен қамтудың 2020—2021 жылдарға арналған Жол картасы» инфрақұрылымдық жобаларын іске асыру бойынша «Qutty meken» партиялық жобасы аясында әлеуметтік-мәдени нысандарын бақылау мақсатында құрылған мониторингтік топ Мәншүк Мәметова атындағы жоғарғы педагогикалық колледж ғимаратының күрделі жөндеу жұмыстарына бақылау жүргізді.
Мониторингтік топ жоба бойынша атқарылып жатқан жұмыстармен танысып, жөндеу жұмыстарының сапасын, құрылыс мерзімінің сақталуын және бөлінген қаржының дұрыс жұмсалуын қадағалап, бақылауға алды.
Сонымен қатар, «Жұмыспен қамтудың 2020—2021 жылдарға арналған Жол картасы» инфрақұрылымдық жобаларын іске асыру барысында жұмыссыздарды тарту мәселесін талқылап, мердігер мекемелерге аталмыш бағдарлама аясында жұмыс жасау ережелері бойынша түсіндірме жұмыстарын жүргізілді.
Қазіргі таңда мердігер мекеме «СК Энерго-OIL» ЖШС-і аталған бағдарлама аясында Мәншүк Мәметова атындағы жоғарғы педагогикалық колледж ғимаратының күрделі жөндеу жұмыстарына 41 жұмыссызды жұмыспен қамтып отыр. Мердігер мекеме жобада көрсетілген 77 адамды жұмыспен қамтып отыр. Құрылыс мерзімі – 3 ай. Ғимаратты жөндеуді аяқтау мерзімі – 2020 жылғы 25 тамыз.
