Бүгін Денсаулық сақтау министрі Елжан Біртанов қызметінен кетті. Ол денсаулығына байланысты Президент Қасым-Жомарт Тоқаев қызметінен босатуды өтініп, ем қабылдау керектігін жеткізді:
Құрметті әріптестер мен достар!
Бүгін Мемлекет басшысына мені Денсаулық сақтау министрі қызметінен босатуды сұрап өтініш жаздым.
Өкінішке қарай, мендегі асқынған пневмониялы коронавирус инфекциясы болғандықтан, қосымша ем алу қажет.
Сонымен қатар, қазір елдегі эпидемиологиялық жағдай күрделі – саланы министрлік пен аймақтық денсаулық сақтау басқармаларының деңгейінде басқару қажет деп санаймын. Біздің денсаулық сақтау жүйеміз күн сайын артып келе жатқан ауыртпалықты жеңе алатынына сенімдімін. Ол үшін әрқайсымыз уақыт бөліп, беріліп қызмет етуіміз қажет. Барлық әріптестеріме денсаулық пен шыдамдылық тілеймін!
Мемлекет Басшысына қазақстандық денсаулық сақтау саласын дамытуға үлес қосуға мүмкіндік бергеніне және жоғары сенім артқаны үшін алғыс айтамын!
https://www.facebook.com/100001755050925/posts/2930480950353711/?d=n
