«Жұмыспен қамтудың жол картасы – 2020»: Қызылордада құрылыс-монтаж жұмыстары басталады

Биыл Қызылордада «Жұмыспен қамту жол картасы –2020» аясында 5 нысанға құрылыс-монтаж жұмыстарын жүргізу жоспарлануда. Бұл туралы облыстық Құрылыс, сәулет және қала құрылысы басқармасы басшысының міндетін атқарушы Арнұр Нұрмағанбетов мәлімдеді.

– Құрылыс, сәулет және қала құрылысы басқармасы арқылы 5 нысанның құрылыс-монтаж жұмыстарын жүргізу үшін республикалық бюджеттен қаржы бөлінді. Атап айтқанда Ақжарма елді мекеніндегі Н.Тасымова №60 көшесінде орналасқан ғимаратты медициналық базасы ретінде қайта жаңғырту, №6 облыстық олимпиадалық резевтің мамандандырылған балалар-жасөсіпірімдер мектебіне қарасты футбол алаңын қайта жаңғырту, Қызылорда қаласы Е.Әуелбеков көшесі № 5 мекен жайындағы филармония ғимаратына қосымша құрылысы, Жанақорған ауданының Шалхия кентіндегі 150 орынға арналған ауыл клубын салу, Қызылорда қаласы Гидроузел көшесі №21 мекен-жайынан салынатын байдарка және каноэ есу базасы құрылысы. Сондай-ақ, мемлекеттік сатып алу конкурстары аяқталып, құрылысты бастау үшін рұқсат хабарламалары алынды, – деді Арнұр Әлібекұлы.

Айта кетейік, жұмыспен қамту орталығына 1 нысан бойынша 35 жұмысшы алуға өтінім қалдырылып, 5 азамат жұмысқа тартылды. Ал қалған 4 нысан бойынша өтінімдер толтырылып, қазіргі таңда әңгімелесу жұмыстары жүргізілуде.