Шымкенттегі темір жол вокзалында санитарлық талап күшейтілді. Әлеуметтік ара қашықтық, бетперде режимі, вагондар арасында жолаушылардың жүріп-тұруы талапқа сай жүргізілуде.
Ал, жолаушылар дене температурасына байланысты ғимараттың ішіне кіреберісте міндетті түрде тексерістен өтеді. Ауа баптағыш құрылғылар арқылы дизенфекциялық жұмыстар жүргізіледі.
— Тұрғындардың қауіпсіздігі үшін ғимарат тазалығына 10 қызметкер жұмылдырылған. Күніне 4 мезгіл дизенфекция жасалады. Жазғы демалыс маусымы басталғалы пойыз жол қызметіне жүгінген жолаушылар қатары артқан. Тұрғындар тек тасымалдау тоқтамаса болды, тәртіпті сақтауға дайынбыз, — дейді Шымкент Темір жол вокзалының басшысы Ерғали Мырзахмет.
Еске сала кетсек, елімізде жолаушылар пойызы бірінші маусымнан бастап қайта жұмысына кіріскен болатын.
Фариза Жандар
