«Қазатомөнеркәсіп» ҰАК» АҚ өзі жұмыс жүргізетін өңірлердің әлеуметтік-экономикалық және инфрақұрылымдық дамуына, тұрғындарының өмір сүру сапасын арттыруға инвестиция салуды одан әрі жалғастыруда.
Атом холдингінің кәсіпорындары қатысатын өңірлерде әлеуметтік маңызды жобаларды іске асыру бойынша белсенді жұмыстар жүргізіліп жатыр.
– Аталған компания Қызылорда облысының Жаңақорған және Шиелі аудандарында компания көшелерді жарықтандыруға күрделі жөндеу жүргізіп, қайта жаңартудан өткізеді. Байкенже ауылында балалар ойын алаңы салынбақ. Сондай-ақ Бала би ауылында «Нәнсай» су бұру арнасы арқылы өтетін жаяу жүргіншілер көпірінің екі жағына дамба салуды жоспарлап отыр, – делінген компанияның хабарламасында.
Жақын болашақта Қазатомөнеркәсіп өзі қатысатын өңірлерді әлеуметтік-экономикалық дамытуға бағытталған бірқатар әлеуметтік маңызы бар жобаларды қолға алатын болады. Олардың ішінде жалпы пайдаланымдағы жолдарды, балалар ойын алаңдарын, спорт кешендерін салу және жөндеу, сондай-ақ елді мекендерді абаттандыру мен көгалдандыру бар.
Айта кету керек, 2020-2022 жылдары Компания Қызылорда облысында ұзындығы 4,8 км болатын автожол өткелі мен автомобиль жолын салуды жоспарлаған. Аталған жоба қауіпті жүк тасымалдайтын автокөліктің қауіпсіз қозғалысын қамтамасыз етуге, сондай-ақ инфрақұрылымды жақсартуға бағытталған.
