1 маусымнан бастап еліміздің барлық аймақтарында бір уақытта Армения мемлекетінен әкелінген автокөліктерді тіркеу жұмыстары басталған болатын. Polisia.kz порталының дерегі бойынша Армениядан әкелінген автокөліктерді тіркеу бойынша Шымкент қаласы үздік үштікті аяқтады
Алғашқы 10 күннің ішінде Шымкент қаласының Полиция департаменті 110 автокөлікті тіркеп үлгерді. Атырау, Маңғыстау облыстарынан кейін алғашқы үштікті Шымкент қаласы жалғап отыр. Шымкен қаласының Полиция департаменті тапсырманы алғашқылардың бірі болып аяқтап қана қоймай, сонымен қатар, аталмыш департаменттің Әкімшілік полиция басқармасының қызметкерлері Мамандандырылған халыққа қызмет көрсету орталықтарында Армениядан әкелінген автокөліктерді тіркеу ісіне қатысты жүргізушілерге тиісті кеңес те беруге кірісті. Сондай-ақ Патрульдік полиция полкінің қызметкерлері армениялық нөмірлері бар автокөліктерді тоқтатып, жүргізушілерге түсіндірме жұмыстарын жүргізіп жатыр.
Автокөлікті 11 мың 946 теңге төлеп, 15-20 минуттың ішінде теркеуге болады. Тіркеу құнына: – 695 теңге – тіркеу үшін алым; – 3 773 теңге – көлік құралын тіркеу куәлігі үшін баж; – 7 778 теңге – мемлекеттік нөмер үшін баж кіреді. Шымкенттіктер Армениядан 2020 жылдың 1 ақпанына дейін әкелінген автокөліктерді тіркей алады. Тіркеу осы жылдың 1 қыркүйегіне дейін жүргізіледі.
Фариза Жандар
