Түркістан облысы апаттан көз ашар емес. Мақтараарлдағы су тасқанын ретке келтірмей жатып, облыстың тағы бір өңірін су басып қалды. Жаңбыр салдарынан пайда болған тасқын судың залалынан қазіргі таңда Төлеби ауданының тұрғындары баспанасын тастап, эвакуациялануға мәжбүр болып отыр.
Сонымен қатар Ленгір қаласындағы орталық көшелерде су толды. Ең күрделісі, Киелітас ауыл округіне қарасты Сұлтанрабат ауылының Сауран көшесімен судың ағып өтуі күрделі жағдайды қалыптастырып, бірнеше үйдің ауласына, үйінің ішіне су кірген. Төлеби ауданының әкімдігі нөсер жауын орын алған сәттен бастап оқиға орнында болып, төтенше жағдай орын алған аймақтарды ретке келтіру шараларын ұйымдастырып жатыр. Бүгінгі таңда облыстық және аудандық төтенше жағдай қызметкерлерінің жұмылдырылуымен зардап шеккен тұрғындар Ленгір қаласындағы №8 колледж ғимаратына эвакуациялануда.
Редакциямызға келіп түскен ақпараттарды негізге алсақ, тасқын су үйлерді басып үлгерген. Тіпті шыдамай құлап қалып жатқандары да бар.
https://youtu.be/nYUJyiT8Jeg
