Қасиетті Рамазан айында барлық жағдайы келетін мұсылман баласына ораза ұстау парыз етілген. Дегенмен, ораза ұстау тек ішіп-жемнен арылумен ғана шектелмейді. Оразаның да өзіндік шарттары мен ұстанымдары бар. Соған байланысты, әсіресе оразаны бірінші рет ұстаған адамдар да ораза ережелеріне қатысты көптеген сұрақ туындайды. Соның бірі «ауызды таң намазы кірер кезде бекіту керек пе, жоқ әлде 10 минут ертерек бекіткен дұрыс па», — деген сұрақтар туындайды. Осы сұрақ төңірегінде Qazweek.kz ақпарат агенттігінің журналисі мамандардан сұрап білген еді.
«Пайғамбарымыз айтқан, сәресі уақытынан кейін, Таң намазын оқу үшін 50 аят оқитындай уақыт күтіңдер деген. Яғни, сәресі мен таң намазының уақыты тең емес. Сәресі ішіп болғаннан кейін, таң намазын оқу үшін біз 50 аят оқитындай уақыт күтуіміз керек. 50 аят дегеніміз шамамен 20 минут болады. Сол себептен, таң намазы кіргенге дейін күтіп тамақ жеу дұрыс емес. Себебі сәресі уақыты бөлек кіреді, ал таң намазы бөлек кіреді. Екеуінің уақыты екі бөлек. Қазіргі таңда көптеген ораза кестелерінде ауыз бекіту уақыты мен таң намазы уақытын бір қылып белгілеп қойған, ол дұрыс емес», — дейді маман.
