Күні кеше Шымкент қаласында бір адамнан коронавирус анықталған болатын. 24 жастағы жігіт Нұр-Сұлтаннан Шымкент қаласына 20 наурыз күні келген. Бүгін Шымкент қаласына кіретін жолдарды полиция және аурухана қызметкерлері жауып, тексеріс жүргізіп жатыр, деп хабарлайды Qazweek.kz ақпарат агенттігі.
Шымкент қаласына кіретін жол дәл қазіргі таңда кептеліс болып тұр. Дегенмен полиция мен аурухана қызметкерлері барлық машинадағы адамдарды тексеріп жатқан жоқ. Маскасы жоқ адамдарға полиция қызметкерлері маска таратып жатыр.
Тұрғындардың айтуынша, коронавирус анықталған жігіт Түркістан облысы Жетісай қаласының тұрғыны. Қазіргі таңда ол келген автобусты оқшаулауға алып, екі жүргізушіні тексеруге алып кеткен.
Бүгін елімізде коронавирусты жұқтырғандардың саны 79-ға жетті. Нұр-Сұлтан қаласында-41, Алматыда-31, Қарағанды облысында-2, Жамбыл облысында-1, Шыментте — 1, Солтүстік Қазақстан облысында — 1.
