Солүстік Қазақстан облысының Тайынша ауданына қарасты Обуховка ауылында нәрестенің жансыз денесі табылды. Сәбидің өліміне күдікті анасы аудандық ауруханаға жатқызылды, деп хабарлайды Qazweek.kz ақпарат агенттігі Azattyq Rýhy сайтына қызметіне сілтеме жасап.
Тайынша аудандық полиция бөліміне сәбидің өлі денесі табылғандығы жөнінде ақпарат түскен. Пакетке салынған кішкентай қыздың мүрдесі ауылдағы қоралардың бірінің сыртына жасырылған. Мамандардың айтуынша сәбидің денесіндегі жарақаттарға қарағанда, ол адам қолынан көз жұмуы мүмкін.
«Қылмыстық кодекстің 100-бабы «Жаңа туған баланы анасының өлтіруі» бойынша іс қозғалды. Күдікті 28 жастағы әйел. Ол аудандық ауруханаға жатқызылды. Кісі өлімінің себебін анықтау мақсатында мәйіт сот-медициналық сараптамаға жіберілді», — делінген хабарламада.
