Қордай ауданының ауылдарындағы жағдай қазір тұрақтанып келеді. Жергілікті тұрғындардың тыныштығын тәртіп сақшылары күзетуде, деп хабарлайды Qazweek.kz ақпарат агенттігі Neonomad.kz порталына сілтеме жасап.
Қордайлық ауылдарда бірнеше жеңіл көлік мінген жүргізушілер жергілікті халықтарға азық-түлік пен қажетті тұрмыстық заттарды таратып жүр екен. Осылайша біз зардап шеккендерге көмектескіміз келетіндігін көрсеттік дейді Қырғызстан азаматтары.
«Біз Қырғызстанның Миляфан дейтін дүңгендер қоныстанған ауылынанбыз. Өзіміздің бауырларымыздың жағдайын естіп, оларға жәрдемдескіміз келді. Олар бізге жат емес, бұл ауылда таныстарымыз бен туыстарымыз бар. Менің өзім Масаншыда туып-өстім, ағылшын тілінің мұғалімімін. Бұл жерде менің ағам тұратын, мектеп директоры болып жұмыс істейді.
Бірақ, оның үйін өртеп жіберген. Сол себепті ол Қырғызстанның Тоқмақ қаласына өтіп кетті. Масаншыға оралмады. Бірақ, басқалары Қазақстанға қайтып келіп жатыр. Біз мың бөлке нан пісіріп әкелдік. Бұған қоса тұрғындарға түрлі дақылдар, күріш, төсек жабдықтарын, жөргектер мен 10 мың сом (шамамен 54 000 теңге) ақша бердік», – деп қосты Халима Щимарова.
