Германияда жұмыс сапарымен жүрген ҚР президенті Қасым-Жомарт Тоқаев елдегі проблемаларды назарынан тыс қалдырмады, деп жазады Qazweek.kz
ҚР Президентінің баспасөз-хатшысы Берік Уәли өзінің Facebook парақшасында Қасым-Жомарт Тоқаевтың Мюнхенде жүріп Қазақстандағы интернет мәселесін шешуді тапсырғанын мәлімдеді.
“Президент Қасым-Жомарт Тоқаев Мюнхенде (Германия) жұмыс сапарымен жүргенде Қазақстанның интернет желісіндегі ақау жайында хабардар болды.
Мемлекет басшысы барлық ақпараттық ресурстардың жұмысын қалпына келтіруді тапсырды”, – деп жазды Берік Уәли.
Айта кетейік, ақпан айының 16-сы таңғы уақыттан бастап Қазақстандағы интернет бұғатталып, әлеуметтік желілердің жұмысы баяулап қалған болатын. Бұған жаппай наразы болған халықтың үні Германияда жүрген Президент Тоқаевтың құлағына жетті.
