Қордайдағы оқиға кезінде зардап шеккен қарияның қазіргі жағдайы белгілі болды деп хабарлайды Qazweek.kz ақпарат агенттігі.
Азамат Ерғали есімді Facebook әлеуметтік желі қолданушысы Қордайдағы оқиғадан соққы алып, зардап шеккен 78 жастағы қарияның жағдайын біліп, оның халықты өшпенділікке бармауға шақырғанын айтты.
Белсендінің сөзінше, қария отаға дайындалып жатыр.
«Атамыз тірі, жағдайы аса мәз емес. Біраз соққы алған. Дегенмен, осынша жағдайдан кейін де, отаға дайындалып жатса да, біздің, Төлеген ата, бәрімізден, халықтан, өшікпеуді сұрады. Көпшілікке кері әсерін тигізетін өшпенділіктің, жаман әрекеттердің қажеті жоқ екенін айтты. Міне, біздің жомарт қарттарымыз. Олардың сөздеріне құлақ асайық», — деді Азамат Ерғали.
