Биыл 16 желтоқсан, Тәуелсіздік күні, Қазақстанның бірнеше қаласында митинг өткен болатын. Билікке арыз-шағымдарын айтып шыққан тұрғындар, митинг соңында, паториотық ән қосып, билей кетті.
https://www.youtube.com/watch?feature=share&v=7FPsdxRP6S4&fbclid=IwAR1FM56D2t1BzGrNKYRTVaDLI1QH7gPrd6FkqsQGYOdlw2w8qprYnJ6gh0w&app=desktop
Белсенділер «Желтоқсан оқиғасы» мен 2011 жылы Жаңаөзенде мұнайшылар ереуілін күшпен басып-жаншыған кезде қаза тапқандарды еске алып, құран бағыштап, сондай-ақ билікті тарихтан сабақ алуға шақырып, саяси талаптар көтерген еді. «Желтоқсан — Жаңаөзен! Ұмытпаймыз, кешірмейміз» деген жазуы бар плакат ұстап, ұрандаған тұрғындар, қазақстандықтардың әлеуметтік-экономикалық жағдайы төмендеп кеткеніне наразылықтарын жеткізген болатын.
https://www.youtube.com/watch?v=PjNQwxxFjk4&has_verified=1
Естеріңізге сала кетсек, 16 желтоқсан күні Нұр-Сұлтан қаласында ондаған азамат Республика даңғылы мен Абай көшесінің қиылысында жиналып, рұқсат етілмеген митинг өткізген. Алматы қаласында осыған ұқсас рұқсат етілмеген митинг Қазақстан Тәуелсіздігі монументінің жанында өткен болатын. Аталған митинг кезінде 60-қа тарта адам ұсталған. Алматыда өткен митингте елімізге танымал өнер жұлдыздары Сәкен Майғазиев, Айдана Меденова сынды өнер жұлдыздары келіп, халықты ешқандай арандатушылыққа ермеуге шақыруға тырысты.
