Қазақстан президенті Қасым-Жомарт Тоқаев алматылық баланың «қажетсіз» пәндерді алып тастап, демалысты ұзарту туралы өтініш хатын оқыды деп хабарлайды «Еуразия» бірінші арнасына сілтеме жасаған Qazweek.kz ақпарат агенттігі.
Телеарнаның хабарлауынша, Тоқаев хатты оқып, алматылық баланың тілектерімен танысып шыққан.
Осыдан кейін президент мемлекеттік қызметкерлерге оқушының барлық сұрақтарына жауап беруді тапсырыпты.
Осылайша, Нұрбақыт Ғалымжан Асхат Аймағамбетовтен жауап алды. Өз сөзінде білім және ғылым министрі «жаратылыстану» және «өлкетанудың» өте қызықты пәндер екенін айта кетті.
Оқушының ата-анасы Нұрбақыттың мемлекет басшысы хатын оқығанын білгенде қатты қуанғанын сөз етті.
Бұдан бөлек олар баланың Аймағамбетовтың хатын бірнеше рет оқығанын да алға тартты.
Нұрбақыт өзі жазған хаттың ескерусіз қалмағаны үшін президент пен министрге дән риза.
Ол «қажетсіз» пәндерге басқа қырынан қарауға тырысатынын және оларға айтарлықтай көңіл бөлетінін атап өтті.
Мектеп оқушысының әкесінің айтуынша, Нұрбақыттың бауыры бар. Ата-анасы балалардың нағыз ер жігіт болып өсіп келе жатқанын, жеке пікір білдіруден қорықпайтынын атап өтті.
