Дариға Назарбаева БҚО-ға сапар барысында өңірдің маслихат депутаттарымен кездесті. Кездесу барысында Дариға Назарбаева парламенттік тыңдалымға аймақ әкімдері мен мәслихат депутаттарын да қашықтықтан қатыстырып, маңызды мәселелерді талқылауды ұсынды, деп хабарлайды Qazweek.kz ақпарат агенттігі «Мой город» порталына сілтеме жасап.
Одан бөлек, Әйел кәсіпкерлер қауымдастығының өңілдерімен кездесу кезінде Дариға Назарбаева мемлекеттік басқару мен елдің саяси өміріне әйелдерді көптеп тарту қажеттігі жайында сөз қозғаған.
— Қазақстан тұрғындарының жартысы – әйелдер. Алайда мемлекеттік құрылымда жұмыс істейтін әйелдер аз. Мемлекеттік орган мен компания басшыларының басшылық қызметке әйел адамдарды емес, көбінесе, ер адамдарды жиі тағайындайтыны жасырын емес. Мұны өзгерту керек. Аймақтық деңгейде де, республикалық деңгейде де әйелдер билікке келуі тиіс, — деді Назарбаева отырыста.
