Алматы облысы Шамалған стансасы маңындағы көпірден көлік ұшып кетіп, өзенге батқан, деп хабарлайды Qazweek.kz ақпарат агенттігі Zakon.kz порталына сілтеме жасап.
Оқыс оқиғаның видеосы Инстаграмдағы kris_p_kz парақшасында пайда болды. «Шамалған станциясы, жеңіл көлік көпірден ұшып кетіп, өзенге түсті ..» делінген видеода.
Алматы облысының полиция қызметкерлері бұл оқиғаға қатысты екі адамның қайтыс болғанын хабарлады.
— Жол-көлік оқиғасы таңертең 9.30 уақытында Қарасай ауданында тіркелді. Оқиға орнында полиция қызметкерлері жұмыс жасауда. Жол апатынан 1982 және 1988 жылғы екі азамат қайтыс болды. Бұл оқиғаға қатысты іс бойынша ҚР Қылмыстық кодексінің 345-бабының 4-бөлігінде қарастырылған қажетті сараптамаларды тағайындау арқылы сотқа дейінгі тергеу басталды.
