Полиция Нигерияның ең ірі қаласы – Лагоста бала сату мақсатында әйелдерге бала тапқызатын нағыз «адам конвейерін» әшкереледі, деп жазады Qazweek.kz ақпарат агенттігі Zakon.kz сайтының дерегіне сүйеніп.
Бұл туралы Nation басылымы хабарлайды.
Полицейлер «адам фабрикасындағы» құлдықтан 19 жүкті әйел мен жаңа туған төрт нәрестені құтқарды.
Бұл жердің негізгі құлдары және жұмыс күші – 15 пен 28 жас аралығындағы әйелдер екен. Көпшілігі Лагосқа ақшасы тәуірлеу жұмыс іздеп келген әйелдер болса, қалғандары көшеден ұрланған. Құлдар бірнеше ғимаратта қамалып, бала көтеру үшін жиі-жиі зорланған.
Одан туған нәрестелер сатылып отырған. Бағасы баланың жынысына байланысы: басылым келтірген ақпаратқа сай, қыз балалар 830 долларға, ұл балалар 1380 долларға сатылған.
