21 қыркүйекте түскі сағат 14.20 шамасында Алматыдағы Панфилов көшесінің бойында да полиция азаматтарды ұстай бастады. Оқиға орнында жүргендердің саны жиырмадан асқан, деп хабарлайды Qazweek.kz ақпарат агенттігі Азаттық радиосына сілтеме жасап.
Арбатта ұстаулар басталмас бұрын бірнеше белсенді билікке талап айта бастаған. Бірақ полиция қызметкерлері олардың сөзін аяқтатпай, бірден көлікке отырғызған.
Жиналғандардың бірі “жәй жүрмін” десе, бірі “жұмыстан келе жатырмын, қолыңды тарт” деп оларды ұстамақ болған полиция қызметкерлеріне қарсылық танытты. Ұсталғандар арасында әйелдер де бар.
Тікелей эфирді көріңіз:
