Әлем чемпионатында еліміздің намысын қорғаған 6 спортшымыз жартылай финалға шықты, деп жазады Qazweek.kz ақпарат агенттігі.
Василий Левит төрешілердің шешімімен иорданиялық Хусейн Яшаиштен басым түсті.
Левиттің алдында Сәкен Бибосынов пен Тұрсынбай Құлахмет те жеңіске жеткен болатын.
Абылайхан Жүсіпов доминикандық Роан Поланконы ұтты.
81 келідегі Бекзат Нұрдаулетов өте ауыр айқаста түрік Байрам Малканнан басым түсті.
Ауыр салмақтағы Қамшыбек Қоңқабаев пен Германияның атынан сынға түскен Нелви Тиафак арасындағы айқаста Қамшыбектің мерейі үстем болды.
Басты үміттеріміздің бірі 57 келідегі Қайрат Ералиев өзбек Миразизбек Мирзахалиловтан жеңілді.
Жартылай финал 20 қыркүйек басталады.
