Қазақстан Республикасы парламентінің сенаторы Мұрат Бақтиярұлы әйелдер мен кішкентай балаларды зорлайтын азғындарды өлім жазасына кесу керек екендігін айтты, деп хабарлайды Qazweek.kz ақпарат агенттігі.
«Әйелдерге зорлық-зомбылық көрсету, зорлау, әсіресе, жас балаларды зорлау, болмаса оларды ұрлау, адам ұрлау, бәрі де, ауыр қылмыс болып саналады. Сондықтан, біздегі қылмыстық кодекс бойынша, өкінішке орай, бұларға берілетін жаза әлі де болса жеңілдеу. Алдыңғы жылдары бір топ сенаторлар болып ауыр қылмыстың жазасына өлім жазасын қосу туралы мәселені көтергенбіз. Өкінішке орай, ол қолдау таппады. Сондықтанда мен парламент мүшесі ретінде балаларды, сондай-ақ әйелдерді зорлайтын азғындарға өлім жазасын беруіміз керек», — дейді Мұрат Бақтиярұлы.
