Көптен бері көрінбей кеткен Ғабидолла Әбдірахымов министрлікке қызметке келуі мүмкін деп хабарлайды Qazweek.kz ақпарат агенттігі Bugin.kz порталына сілтеме жасап.
Бүгін ғана Бердібек Сапарбаев Еңбек және әлеуметтік қорғау министрі қызметінен босап, үкімет басшысы Асқар Маминнің орынбасары болып тағайындалған болатын.
Ал әлеуметтік мәселелерді үйлестіретін орган – Еңбек және әлеуметтік қорғау министрлігінің жылы орны бос тұр. Бейресми деректерге қарағанда, бұл орынға Шымкенттің бұрынғы әкімі Ғабидолла Әбдірахымовтың келуі мүмкін деген сыбыс бар. Ал ресми ақпарат жақын арада жарық көрмек.
Ғабидолла Әбдірахымов әкім қызметінен босаса да, мемлекеттік қызметте қалатынын айтып, алайда қандай қызметке баруы мүмкін екендігі жайлы тіс жармаған еді.
