Павлодар облысы, Шарбақты ауданының Жылыбұлақ ауылында жергілікті тұрғындар мен құқық қорғау қызметкерлері арасында атыс болып, жараланғандар бар деген ақпарат жетті. Бұл туралы Qazweek.kz ақпарат агенттігі adyrna.kz порталына сілтеме жасап хабарлайды.
Жылыбұлақ ауылының бұрынғы әкімі Меңдібай Мейірманов бұл ақпаратты растап, ауылда атыс болғанын, жараланғандар бар екенін айтты. СОБР жергілікті тұрғындардың көліктерін атқан дейді. Ауылдың тұрғындарына хабарласқанымызда бұл қақтығыстың жаз бойы жалғасып келе жатқанын айтты.
Жақында ғана осы ауылдың жігіттері мен көлдің инвесторлары арасында төбелес болған болатын. Маралды көлінің инвесторы Дәулет Асылов өзінің соққыға жығылғанын республикалық БАҚ-на мәлімдеген.
