Бүгін Алматы қаласының Наурызбай ауданында сел жүру қаупі бар деп дабыл қаққан болатын. Аталған мәселеге сәйкес Qazweek.kz ақпараттық агенттігінің тілшісі Наурызбай ауданының баспасөз қызметімен тілдесті.
«Дәл қазір ешқандай қорқыныш жоқ. Қауыіптің бәрі сейілді. Осы жағдайға байланысты дәл қазір қаламыздың әкімі Бақытжан Сағынтаев №176 мектеп-гимназиясында жиналыс жасап жатыр. Аталған мәселеге байланысты барлық жаңалықтарды әлеуметтік желілерде бөлісіп отырамыз» — деді Наурызбай ауданының баспасөз қызметі.
Естеріңізге сала кетсек, бүгін Қарғалы өзені Наурызбай ауданында сел жүру қаупі бар, себебі су деңгейі күрт төмендеген, бөгетті кез келген сәтте бұзып кетуі мүмкін екендігін хабарлап, халыққа жақын маңдағы эвакуациялық пункттерге жиналуға кеңес берген болатын.
Эвакуациялық пункттер:
1. Ескі әкімдік. Жандосов — Рысқұлов;
2. Шәймерденов көшесіндегі 175 мектеп;
3. 158 мектеп. Жандосов — Яссауи.
