Қазақ жігіті Қытайда «Үздік модель» атанды Қытайдағы этникалық қазақ Сержан Бағдатұлы «Жұлдызды модельдер» байқауында жеңіске жетті деп хабарлайды Qazweek.kz ақпараттық агенттігі КТК арнасына сілтеме жасап.
2018 жылы ол Қытайдың Кайфенг қаласында өткен «Жұлдызды модельдер» байқауына қатысты. Қытайдың әр облысынан сайдың тасындай іріктелген 60-қа жуық қатысушы арасынан сымбатымен, дара өнерімен озып, Сержан бас жүлдені қанжығалаған. Кескін-келбетімен Қытайды тамсандырып жүрген сері жігіттің бойы 191 см. Сержан Бағдатұлы Шыңжаңдағы әскери институтта оқыған. Кейіннен Ухандағы жоғары оқу орнында дене шынықтыру мамандығы бойынша білімін жалғастыруда.
