Абай Құнанбайұлының 175 жылдығына орай басталған эстафетаны Димаштан Ресейдің атақты композиторы Игорь Крутой қабыл алды, деп хабарлайды Qazweek.kz ақпарат агенттігі Qamshy.kz сайтының дерегіне сүйеніп.
Димаш Құдайберген инстаграм парақшасында Игорь Крутойдың қазақ халқын Абайдың 175 жылдық мерейтойымен құттықтап, артынан Абайдың орыс тіліне аударылған бір өлеңінен үзінді оқыған видеосын жүктеді. Видеода атақты композитор «Қазақтың атақты ойшыл, ақын Абайдың 175 жылдығына орай өлеңдерін оқу эстафетасын кішкентай досым, өте талантты әнші Димаш Құдайбергеннен қабылдап, Қазақстаның Ресейдегі елшісі, досым Иманғали Тасмағанбетовке жолдаймын» деді.
