Димаш Құдайбергеннің досы Айсұлтан Дүйсенбаев өнер иесімен түскен суреттерін жүктеп, ренжігенін айтып қалжыңдады, деп хабарлайды Stan.kz тілшісі.
Айсұлтан Дүйсенбаев әлеуметтік желідегі парақшасына халықтың қалаулысы Димаш Құдайбергенмен түскен суреттерін жиі жүктеп тұрады. Желіде жарияланған суреттердің соңғы біреуінде Айсұлтан қалжыңдап жазған болатын.
«Ешкімнің сенде шатағы жоқ болғандағы сезім. Қалжың, күліп алыңыздар», — деген жазба қалдырған.
Суретте Димаш және одан қолтаңба сұраған тыңдармандармен бірге Айсұлтанның өзі де бар. Бұл жазбаны көріп, Айсұлтан Дүйсенбаев өзін төмен сезініп қалды деп ойлаған желі қолданушылары жігіттің көңілін көтеруге тырысты.
«Әркімнің өз жолы бар. Сіз жай адам емессіз. Алла сізді Димаштың досы ретінде таңдады, кез келген адамға өмірде адал дос керек», «Есесіне біз сіздің Димаштың нағыз досы екеніңізді білеміз», «Сен де кереметсің. Димаштың өзі де достары да өте көңілді. Барлығы үшін рақмет», — деп пікір қалдырды желі қолданушылары.
Үнемі өнер иесінің жанынан табылатын жолдасы Қытайда да, Қазақстанда да, Америкада да Димашпен бірге.
