Қыз зорлады деген қателікпен 30 жыл түрмеде отырған ер адам бостандыққа шыққан соң қыз зорлады, деп жазады Stan.kz
Американың Массачусетс штатында ер адам қыз зорлады деген қателікпен 30 жыл түрмеде отырды. Бостандыққа шыққан соң қайта қыз зорлап, қайта сотталды.
50 жастағы Джордж Перро 1985 жылы өмір бойына бас бостындығынан айырылған еді. Ол 78 жастағы әйелді ұрып-соғып, зорлады деп айыпталды. Ер адам бірнеше рет ұрлық ісіне қатысты болған. Сондықтан полицейлер оны кінәлі деп сенген.
Алайда жәбірленуші Перроның өзін зорлаған адамға ұқсамайтынын айтты. Әйел адамды жасына қарап, жауап беруге кіргізген жоқ. Айыпталушы жазбаша қолхат жазып, кінәсін мойындаған. Ал адвокаты оның бұл кезде есірткі шеккен күйде болғанын айтып ақтады. 1992 жыл сот айыпталушыны кінәлі деп тапты.
Адвокаттар алқасы 30 жыл бойы Перроның ісімен айналысып, криминалдық сарапшылардың айғақтарын теріске шығарды. Бұл уақыт аралығында Перро туралы мақалалар жарияланып, репортаждар түсірілді.
Алайда 2019 жылы қаңтар айында қайта тұтқындады. Тұрғын есірткі шегіп, тротуарда ессіз жатқан күйде Перро мен әйел адамды көріп, полиция шақыртады.
Жәбірленушінің айтуынша, Перро оған есірткі беріп, кейін зорлаған. Айыпталушы кінәсін мойындаған жоқ. Лоуренс қаласының соты Перроны кінәлі деп тауып, Эссекс округінің жоғарғы сотына жіберді.
