2019 жылдың 5 мамырында Өскемен қаласының Ольга Рыпакова атындағы спорт кешенінде «Алтай-Атлет кәсіпқой спорттық клубы» ЖШС ұйымдастыруымен жеңіл атлетикадан облыстық жарыс өткізілді. Осы жарысқа облыстан 19 команда, ауданымыздың 3 мектебінен 16 бала қатысты. Жарыс спорттың бес түрі бойынша өтті: (60 м жүгіру, 500м және 1000 м жүгіру, қашықтыққа доп лақтыру, жүгіріп, ұзындыққа секіру, эстафета 200м).
Қашықтыққа доп лақтыруда 2005-2006 жылы туылған қыздар арасында «Таврия орта мектебі» КММ оқушысы Сафонова Лидия І орынды жеңіп алды.
Жүгіріп, ұзындыққа секіруде 2005-2006 жылы туылған ұлдар арасында «Таврия орта мектебі» КММ оқушысы Юрченко Егор ІІ орынды жеңіп алды.
500 метрге жүгіруде 2007-2008 жылы туылған ұлдар арасында «Гагарин атындағы орта мектеп» КММ оқушысы Емшібай Бейбарыс ІІІ орынды жеңіп алды.
60 метрге жүгіруде 2005-2006 жылы туылған қыздар арасында «Таврия орта мектебі» КММ оқушысы Асығатова Әдемі үздік сегіздіктің қатарынан көрінді.
Барлық жеңімпаздар мен жүлдегерлер «Алтай-Атлет кәсіпқой спорттық клубы» ЖШС атынан ALTAY KIDS CUP дипломымен, медалімен және ақшалай сертификатпен (25000, 20000, 15000) марапатталды.
