Қоғам белсенділері адам қалдықтарын аумаққа лақтырып тастағандарын айтады
Түркістан облысы Ленгер қаласынан адам денесінің қалдықтары табылды. Адам сүйектері мен ішкі ағзалары пластикалық бөтелке ішінен шықты.
Жергілікті белсенділердің айтуынша, ол жерде медициналық қалдықтарды шығаратын цех бар, деп жазады Отырар.
Цехқа өлген адамның дене мүшелерін немесе кесілген дене мүшелерін апарады. Қоғам белсенділері адам қалдықтарын аумаққа лақтырып тастағандарын айтады. Адамның өлі денесі экологияға кері әсер етеді.
Белсенділердің айтуынша, утилизациядан соң адам денелері уақытымен жойылмай, әр жерге лақтырылып тасталады. Оған жәндіктер қаптап, аумағы ластанып жатыр.
B сыныбындағы медициналық қалдықтар — туберкулезден емдейтін мекемелер, лабороториялар мен өзге орындардың қалдықтары. Аумаққа иттер де еркін кіріп шығады. Белсенділер өлі адам етін жеген иттердің, қаны бұзылып тірі адамға да шабады деп қорқып отыр.
