Павлодарлық полицейлер көпірден секіріп өлмек болған үш баланың анасын аман алып қалды, деп хабарлайды Алматы арнасы Полиция департаментінің баспасөз қызметіне сілтеме жасап.
Оқиға 24 сәуір күні болған. Бақылау пунктінде кезекшілікте тұрған кіші лейтенант Ербол Айғожин Ертіс өзеніндегі көпірден секіріп кетейін деп тұрған келіншекті құтқарып қалған.
Артынша анықталғандай, 35 жастағы әйел сол күні күйеуімен ұрысып қалып, өзіне қол жұмсауды ұйғарыпты. Әйел мас болған.
Айта кетейік, кіші лейтенант бұған дейін тағы бір әйелді құтқарып қалған екен.
