Әлеуметтік желіде жаттығу залында жаттығып тұрған мемлекет басшысы Қасым-Жомарт Тоқаевтың суреті пайда болды. Желі қолданушысы Гүлнара Қатибаева президенттің фотосын өзінің Facebook парақшасында жариялаған деп хабарлайды KAZ.NUR.KZ
Бойжеткен «Жаңа президентке жайлы қандай пікірдесің?» деп сұрағандардың бәріне жауап берген.
Ол өзіне Қасым-Жомарт Тоқаевтың қандай қасиеті ұнататынын да айтты.
«Маған жаңа президентіміздің келісті ер азамат екені ұнайды. Оның келбетінен үнемі өз-өзіне деген сенімділігі байқалады. Бұдан оның интелегентті, биязы адам екенін көруге болады», — деп жазды бойжеткен.
Сондай-ақ желі қолданушысы мемлекет басшысының спортқа деген махаббатын да жоғары бағалады.
«Сонымен қатар маған ол кісінің салауатты өмір салтын ұстанып, спортпен шұғылданатыны ұнайды», — деп жазды ол.
Пікір қалдырушылар жазба авторын қолдады.
«Жаңа президентімізге респект!», — деп пікір білдірді желідегілер.
