Тікелей эфирде бейбіт тұрғындарға оқ атқан террорист қолға түсті.
Шабуыл жасар алдында Брентон Таррант өзінің әлеуметтік желідегі парақшасында қолындағы қару мен оқ-дәрілерін көрсетіп жазба жариялаған. Оның қолында винтовканың оқ-дәрілері болыпты. Ал көлігінің алдыңғы орындығында толық бір арсенал қару болған. Сондай-ақ, қылмыскер өзімен бірге бензин алып келіп, мешітті өртеуді жоспарлапты. Алайда жасырынуға асыққан ол бұл ойын іске асыра алмады.
Ол жаяу жүргіншілерді өлтіріп, кейіннен көлікте кетіп бара жатқан адамдарға оқ атқан. Қайтадан көлігіне келіп, қаруын оқтап алып, қайтадан мешітке кіріп, жарақаттанған адамдарды атып өлтірген. Мешіттен шығып, жоғары жылдамдықта көлігін айдап оқиға орнынан дереу ізін суытқан.
Деректерге көрсетілгендей, тұрғындарға оқ жаудырған террорист Жаңа Зеландия азаматы Брентон Таррант екен. Оның үстінен дереу қылмыстық іс қозғалып, 16 наурызға соты белгіленді.
Соңғы деректерге сәйкес, Жаңа Зеландияда мешітте қаза тапқандардың саны 49-ға жетті.
https://video.mk.ru/upload/entities/2019/03/15/11/videos/videoIpad/be/f3/9f/ec/2044472_1095297.mp4
