Бүгін Алматыда Қазақстан Суперкубогы үшін болған мачта елордалық «Астана» алаң иелері «Қайратты» 2:0 есебімен ойсырата жеңді деп жазады prosports.kz
Жеңімпаз командасынан екі голды да Жуниор Кабананга соқты.
Ойын алдында «Астана» ФК бапкері Роман Григорчук Кабананга жайлы: «ол ең жақсы ойын көрсеткен кезеңге қайта оралып жатыр» — деп, осы ойыншыға үміт артатынын атап өткен болатын.
«Астана» осымен Қазақстан суперкубогын төртінші мәрте жеңіп отыр
«Астана» — «Қайрат» 2:0 (1:0)
Голдар: Кабананга 7 (1:0), Кабананга 67 (2:0)
Ескертулер: Бейсебеков 45, Постников 56
Алаңнан қуылды: Эсеола 84 (Қайрат).
Еске салсақ, Суперкубок – өткен жылғы ел Кубогының иегері мен футболдан Қазақстан чемпионаты жеңімпазының арасындағы матч.
2015 жылдан бері Суперкубок үшін талас «Астана» мен «Қайрат» клубтары арасында өтіп келеді. Елордалық футболшылар қазіргі уақытта Қазақстан чемпионы саналады.
