Ақтөбе облысында Қандыағаш станциясында жолаушылар пойызы ауыр техника – кранмен соқтығысты, деп хабарлайды Qazweek.kz ақпарат агенттігі zakon.kz порталына сілтеме жасап.
Оқыс оқиға 9 қыркүйек күні түстен кейін орын алды.
Көліктегі полиция департаментінің баспасөз қызметі бұл оқиғаға қатысты түсініктеме берді.
Аталған фактіге сәйкес, Қандыағаш станциясының Желілік полиция бөлімі (Ақтөбе облысы) ҚР Қылмыстық кодексінің 344-бабының 1-бөлігі, “Теміржол көлігінің қозғалысы мен жұмыс істеу ережелерін бұзу” бойынша сотқа дейінгі тергеуді бастады. Қазіргі уақытта бұл іс бойынша қажетті тергеу әрекеттері жүргізілуде, делінген хабарламада.
Бұдан бөлек өзге ақпараттар ҚР Қылмыстық кодексінің 201-бабының талаптарына сәйкес тергеу мүддесі мақсатында жария етуге жатпайды.
