Жалағаш аудандық пробация есебіндегі азамат «Атамекен» Ұлттық кәсіпкерлер палатасының «Бастау Бизнес» жобасы бойынша бір айлық «Кәсіпкерлік негіздері» курсын аяқтап, сертификат алды.
Сонымен қатар, ол жаңадан бастаған кәсіпті қолдау мақсатында мемлекет тарапынан «Нәтижелі жұмыспен қамту және жаппай кәсіпкерлікті дамытудың 2017-2021 жылдарға арналған мемлекеттік бағдарламасы» аясында 505 600 теңге қайтарымсыз грант ұтып алды. Осылайша, сотталған азамат қайтарымсыз қаражатқа қол жеткізіп, қазіргі уақытта компьютер жөндейтін орталық ашуға қажетті заттарды алуда.
Бүгінде Қызылорда облысында пробация есебінде тұратын, жеке кәсібін ашып, өзін-өзі жұмыспен қамтып отырған азаматтар көп. Ол азаматтардың жеке кәсібін ашуға мемлекеттік грант септігін тигізген.
