Бүгін облыс әкімі Г.Әбдіқалықова қаладағы дәріханаларды аралап, жоспардан тыс тексеріс жүргізді. Аймақ басшысы Ғ.Мұратбаев,76 мекен-жайындағы «Europharma», Шұғыла ықшам ауданы,19 мекен-жайындағы «Доктор плюс», Яссауи, 24Б мекен- жайындағы «Farmcity» дәріханаларына арнайы барып, вирусты емдеуге қажетті препараттардың бар-жоғын нақтылады. Дәрі іздеп келген қала тұрғындарымен кездесіп, мәселелерін тыңдады. Олардың айтуынша, осы күні көбіне дексаметазон, ингавирин сияқты дәрілер мен дәрумендер және дене қызуын өлшейтін құрылғар тапшылығы сезіледі. Осыған байланысты аймақ басшысы Қызылорда қаласының әкімі Н.Нәлібаев пен дәріхана иелеріне тез арада дистрибьюторлармен байланысқа шығып, мәселені шешуді тапсырды.
Айта кету керек, қазіргі күні облыс әкімдігі тарапынан кәсіпкерлермен қажетті дәрі-дәрмек алу жөнінде келісім жасалды. Осы күні ірі дәріхана желілеріне дәрілер жеткізіле бастады.
https://www.facebook.com/570130433090030/posts/2570948256341561/?vh=e&d=n
